حمید نطقی آیتان- (نئچه شعر)

                                

کیملیگیم

قیریلمیش آینادا تکرار اولورام.

داغینیق آنیلار یئللرده اوچور.

بئینیمه جاوابسیز سواللار دولموش

Həmid Nitqi Aytan-(neçə şeir)

Kimliyim

Qırılmış aynada təkrar oluram.

Dağınıq anılar yellərdə uçur.

Beynimə cavabsız suallar dolmuş.

کیملیگیم

قیریلمیش آینادا تکرار اولورام.

داغینیق آنیلار یئللرده اوچور.

بئینیمه جاوابسیز سواللار دولموش.

جان چکن گئجه‌نین

داوامی اوچون

سیسلر، دومانلار سفربر اولموش.

هله ده آدیمی دئیه بیلمیرم

هله ده کیملیگیم

قیرخ قات بوخچادا

اووسونلارلا دوگونلو

گیزلین ساخلانیر.

هله ده قارداشیم برکه دوشنده

اصلینی دانیر

.......................

Kimliyim

Qırılmış aynada təkrar oluram.

Dağınıq anılar yellərdə uçur.

Beynimə cavabsız suallar dolmuş.

Can çəkən gecənin

Davamı üçün

Sislər, dumanlar səfərbər olmuş.

Hələ də adımı deyə bilmirəm

Hələ də kimliyim

Qırx qat buxçada

Ovsunlarla düyünlü

Gizlin Saxlanır.

Hələ də qardaşım bərkə düşəndə

Əslini danır

.......................

حسرت ائلینده...

قولاغیم گئجه‌نین

آخان سئلینده

گؤزلریم

سحرین سونسوز یولوندا

دیلیم یوخ

الیم بوش

اورگیم دولو

دولانیر خیالیم حسرت ائلینده

Həsrət elində...

Qulağım gecənin

Axan selində

Gözlərim

Səhərin sonsuz yolunda

Dilim yox

Əlim boş

Ürəyim dolu

Dolanır xəyalım həsrət elində

زحمتله یاشادیق

زحمتله یاشادیق

حسرتله یاندیق

گلنی دوست ساندیق

گئدنه قاندیق

او قارا گونلردن

هئچ درس آلمادیق

گؤره‌سن

گئرچکدن

ایندی اویاندیق؟

Zəhmətlə yaşadıq

Zəhmətlə yaşadıq

Həsrətlə yandıq

Gələni dost sandıq

Gedənə qandıq

O qara günlərdən

Heç dərs almadıq

Görəsən

Gerçəkdən

İndi Oyandıq?

سوال

سوال بودور:

هاردان

هانسی دالدان

قوپا‌راق هانسی یئللر دالینجا

سوروکلنمیش بو یارپاق؟

گؤزلرینی اوفوقه تیکمیش

بؤیوک صبیرله

نه گؤزله‌ییر بو تورپاق؟

هانسی قلم یازميشدیر

اليمده‌کی اوخونماز قارا جیلدلی کیتابی؟

آلنیمداکی یازینی؟

هانسی ساقی سونموشدور

بیزی یاندیریب- یاخان ایچدیگیمیز شرابی؟

داغ- دره‌یه عکس ائدن

کیمین سسی بو فریاد؟

ساغیر دیلسیز سیلديريم قایا‌لاردان

بوش یئره

کیمدیر دیله‌ین ایمداد؟

کیمین سرگوزشتینی یاواشجا پیچیلداییر

سؤیودلرین ساچینی

دارارکن اسن کولک؟

ساحللرین آلنینا

دلیرمیش دالغا‌لارین

چکدیگی زولاق- زولاق

بو چیزگیلر

نه دئمک؟

ناتینگهام- 1993 (1372)

Sual

Sual budur:

Hardan

Hansı daldan

Qoparaq Hansı yellər dalınca

Sürüklənmiş bu yarpaq?

Gözlərini üfüqə tikmiş

Böyük səbirlə

Nə gözləyir bu torpaq?

Hansı qələm  yazmışdır

Əlimdəki oxunmaz qara cildli kitabı?

Alnımdakı yazını?

Hansı saqi sunmuşdur

Bizi yandırıb- yaxan içdiyimiz şərabı?

Dağ- dərəyə əks edən

Kimin səsi bu fəryad?

Sağır dilsiz sıldırım qayalardan

Boş  yerə

Kimdir diləyən imdad?

Kimin sərgüzəştini yavaşca pıçıldayır

Söyüdlərin saçını

Dararkən əsən külək?

Sahillərin alnına

Dəlirmiş dalğaların

Çəkdiyi zolaq- zolaq

Bu çizgilər

Nə demək?

Natingham- 1993 (1372)